三日兩夜之旅終於結束... 其實都冇咩特別. 都係拍拖行街咁過日子. Mr Bailey 好似對扮旅客o既活動唔太感興趣, 我地去左Piazza Maggiore & Piazza del Nettuno, 去左library, 去左Piazza di Porta Ravegnana 爬左97米Torre Asinelli 498 級樓梯去睇個city 全景. 食左一餐Lasagna, 兩餐日本野, 同埋兩餐gelato.

睇左隻dvd- Into The Wild... 一套我想睇好耐o既戲, 講o既係一個男仔完成左父母o既寄望大學law school 畢業之後決定放棄一切投入大自然. 將所有o既積蓄俾晒oxfam, 唔同屋企人講聲完失蹤... 為o既係要享受大自然, 覺得錢唔重要... 係美國穿洲過省, 最終o既目的地係Alaska. 我從來都唔知故事o既結局. 我知道個故事係base on 真人真事. 故事o既結局就同麥兜故事果d一樣.... 從前有一個人, 之後佢死左. 因為冇野食, 因為食錯有毒o既植物... 最後係荒山野嶺死左幾日先有人發現...

故事完左... 我第一句問Bailey o既就係... 故事講俾人知, 一個人追求夢想o既結局就係死?! 我對我自己有呢個conclusion 係好困惑架... http://www.intothewild.com/

星期日晨咁早起身趕飛機飛返都柏林... 就咁又一個weekend喇...

http://www.facebook.com/album.php?aid=171224&l=b544f&id=713930121

呵呵呵 終於有機會去德國睇聖誕市集喇!!!!!!!!

仲有80日就聖誕喇. 我屋企人book好晒漢莎12月10日直飛慕尼黑....再由法蘭克福飛返香港. 今次有我媽媽, 我哥哥, 我妹妹同埋我架 好耐冇一家人去旅行喇... 真係諗起都開心 呵呵呵...雖然短短o既 7日, 但我相信夠架喇 哈~

行程應該係慕尼黑Munich -> 烏爾姆Ulm -> 斯圖加特Stuttgart -> 紐倫堡Nuremberg -> Bamberg -> 法蘭克福Framkfurt

德國有太多聖誕市集喇, 就好似我地行年宵咁... 今次o既行程應該會行4個christmas market... 應該夠架啦掛?! 哈哈~~~紐倫堡係今次o既重點行程

太期待喇... 呵呵呵

紐倫堡(Nuremberg)

紐倫堡的聖誕市集在現今世上，絕對稱得上是最享負盛名的一個。很多德國人甚至認為那是全國聖誕市集的第一位。每次也有兩百多萬人前來赴會。每年當聖誕天使為主廣場(Hauptmarkt)的孩童耶穌市集(Christkindlesmarkt)揭開序幕，一連串精采節目亦隨之而開始。在接續的一個月裡，城中的古意間，不斷飄逸著薑餅、紐倫堡燒腸、烤杏仁及聖誕熱甜酒的香氣。人們的眼睛在各種不同的禮物和裝飾前閃亮。此外，紐倫堡市內亦設有兒童聖誕市集(Kinderweihnacht)，當中有傳統旋轉木馬、小輪船和蒸汽火車。兩個市集中有一條聖景小徑，遊客可跟隨去欣賞紐倫堡不同風格的聖景擺設。
http://www.klm.com/travel/tw_tw/travel_information/travel_planning/eur/mkt_among_KL_dest.htm